لندن: برطانوی دارالحکومت سے کویت آنے والی پرواز میں مسافروں کے درمیان لڑائی، چیخ پکار اور مارپیٹ کی وڈیو سوشل میڈیا پروائرل ہو گئی۔
یہ واقعہ لندن سے آنے والی کویتی پرواز میں پیش آیا۔ وڈیو میں طیارے میں سوار نوجوانوں کے درمیان لڑائی دیکھی جا سکتی ہے، جس میں مسافروں کی چیخیں اور بچوں کے رونے کی آوازیں بھی سنائی دے رہی ہیں۔
هبوط طائرة #كويتية قادمة من #لندن بعد شجار دامي بين #كويتيين وسط صراخ النساء والأطفال.#الكويت#زلزال_المغرب#هزة_أرضية#إعصار_دانيال pic.twitter.com/pFpelhqlrg
— بوبيان نيوز (@BobiannewsKw) September 11, 2023
مسافروں نے جھگڑنے والے افراد کو لڑائی سے روکنے کی کوشش کی مگر اس کا فائدہ نہیں ہوا۔ دستیاب معلومات کے مطابق 2 کویتی نوجوانوں اور ایک غیر ملکی کے درمیان کسی بات پرلڑائی ہوئی۔ مسافروں نے اس واقعے پر افسوس کا اظہار کیا۔ لڑائی کی وجہ سے جہاز کے اندر خوف و ہراس پھیل گیا۔