کراچی:شہرقائد کے مختلف علاقوں میں ہلکی پھلکی بوندا باندی ہورہی ہے، ہلکی پھلکی بارش کے بعد کراچی کا موسم خوشگوار ہوگیا ہے۔
تفصیلات کے مطابق کراچی یونیورسٹی ، ملیر، گلشن معمار ، نیوکراچی، سائٹ ایریاسمیت دیگر علاقوں میں ہلکی پھلکی بارش کا سلسلہ جاری ہے، بارش کے بعد جہاں موسم خوشگوار ہوا ہے ، وہیں سڑک پر بائیک چلانے والوں کے لیے مشکلات پیدا ہوگئیں ہیں، موٹرسائیکل چلاتے ہوئے بائیک سلپ ہورہی ہیں، جسکی وجہ سے ٹریفک سلو ہوگیا ہے۔
خیال رہے کہ محکمہ موسمیات نے پیر کے روز خیبر پختونخوا، اسلام آباد، پنجاب، بالائی سندھ، شمال مشرقی بلوچستان ، گلگت بلتستان اور کشمیر میں آندھی اور گرج چمک کے ساتھ بارش کی پیشگوئی کی ہے۔
