حماس نے غزہ میں ٹینکوں کے ساتھ داخل ہونے کی کوشش کرنے والی اسرائیلی فوجوں کو ایک بار پھر پسپا کردیا۔
پیرکے روز حماس کی اسرائیلی فوج سے جھڑپ ہوئی جو غزہ کی صلاح الدین اسٹریٹ میں ٹینکوں کے ساتھ داخل ہونے کی کوشش کر رہی تھی تاہم زبردست مزاحمت کے ذریعے اسے پیچھے ہٹنے پر مجبور کردیا۔
میڈیا ذرائع نے تصدیق کی ہے کہ اسرائیل کے کہنے کے برعکس، غزہ کی پٹی میں رہائشی محلوں کے اندر کوئی زمینی پیش رفت نہیں ہوئی، صلاح الدین اسٹریٹ پر جو کچھ ہوا وہ اسرائیل کے چند ٹینکوں کی دراندازی تھی،ان گاڑیوں نے صلاح الدین اسٹریٹ پر دو شہریوں کی کاروں کو نشانہ بنایا، اور سڑک کو بلڈوز کردیا، تاہم حماس نے انہیں پیچھے ہٹنے پر مجبور کردیا۔