وزیراعظم محمد شہباز شریف نے گندم خریداری کے عمل میں غفلت برتنے اور ٹیکنالوجی کے استعمال کی ہدایات پر عمل نہ کرنے پر پاکستان ایگری کلچرل اسٹوریج اور سروسز کارپوریشن (پاسکو) کے ایم ڈی اور جی ایم پروکیورمنٹ کومعطل کردیا۔
وزیراعظم شہباز شریف کی زیر صدارت گندم کی طلب و رسد اور وفاقی حکومت کی خریداری کے پروگرام کے حوالے سے ایک اعلیٰ سطح کا اجلاس ہوا
اجلاس میں وفاقی وزیر خزانہ محمد اورنگزیب ، وفاقی وزیر قومی غذائی تحفظ و تحقیق رانا تنویر حسین و دیگر نے شرکت کی اور دیگر متعلقہ اعلیٰ سرکاری افسران نے شرکت کی۔۔
