کابل: افغان صوبے ننگر ہار میں ایک دریا میں کشتی ڈوبنے سے 20 افراد جاں بحق ہوگئے۔
بین الاقوامی خبر رساں اداروں کے مطابق گورنر ننگرہار نے بتایا ہے کہ کشتی میں خواتین اور بچوں سمیت 25 افراد سوار تھے۔ ڈوب کر جاں بحق افراد میں سے 5 کی لاشیں نکال لی گئی ہیں۔
کشتی ڈوبے کا واقعہ ننگر ہار کے مومند درہ ضلع میں ہفتے کی صبح پیش آیا۔ کشتی ڈوبنے کی وجوہات کا علم نہیں ہو سکا ہے۔ ریسکیو ٹیمیں ڈوبنے والوں اور لاشوں کی تلاش کے آپریشن میں مصروف ہیں۔
