پشاور(اسپورٹس ڈیسک) پاکستان ٹیگ بال کھلاڑی ہدایت الرحمن اور کامران ویتنام میں منعقدہ انٹر نیشنل چمپئن شپ میں شرکت کے بعد وطن واپس پہنچ گئے،ہدایت الرحمن اور کامران نے ویتنام میں شاندار پرفارمنس کا مظاہرہ کرکے سنگل اور ٹیم ایونٹ کے کوارٹر فائنل کھیلنے کا اعز ازحاصل کیا۔پشاور سے تعلق رکھنے والے ہدایت الرحمن نے اس سے قبل تھائی لینڈ میں کھیلی جانیوالی ورلڈ ٹیگ بال چمپئن شپ میں بھی پاکستان کی نمائندگی کی۔پشاور پہنچنے پر میڈیاسے گفتگوکرتے ہوئے ہدایت الرحمن کا کہناتھاکہ ٹیگ بال پاکستان میں نیاضرورہے تاہم اصل میں یہ دنیاکا مقبول کھیل ہے۔
