گورنر خیبرپختونخوا فیصل کریم کنڈی نے کہا ہے کہ نجی شعبے کی طرح سرکاری اداروں میں بھی جدت لانے کی ضرورت ہے۔
تقریب سے خطاب کرتے ہوئے گورنر خیبرپختونخوا فیصل کریم کنڈی کا کہنا تھا کہ پاکستان کے مستقبل کی باگ ڈور آپ کے ہاتھ میں ہے، آپ ملک و قوم کی تعمیر کے عمل کا مرکزی حصہ ہیں۔
ان کا کہنا تھا کہ آپ جیسے سرکاری افسران ملک و قوم کا مستقبل ہیں، عوام اور آپ کے درمیان فاصلے کم ہونے چاہئیں، تربیتی کورس آپ کی صلاحیتوں کو نکھارنے اور چیلنجز کا سامنا کرنے کیلئے تیار کرتا ہے ۔