لاہور: پاکستان مسلم لیگ ق کے صدر چودھری شجاعت حسین نے عزم استحکام آپریشن کی حمایت کرتے ہوئے کہا ہے کہ پاکستان مسلم لیگ آل پارٹیز کانفرنس میں بھرپور شرکت کرے گی۔
چودھری شجاعت حسین کا کہنا تھا کہ ملک کو دہشت گردی کی لعنت سے مکمل پاک کرنے کے لئے عزم استحکام آپریشن ناگزیر ہے، پاکستان مسلم لیگ عزم استحکام آپریشن کی مکمل حمایت کرتی ہے۔ قیام امن کیلئے پاکستان اور افغانستان کو روابط بڑھانے کی ضرورت ہے۔
اس موقع پر صوبائی وزیر صنعت و تجارت چودھری شافع حسین نے کہا کہ دہشت گردی عالمی مسئلہ ہے جس سے مل کر نمٹنا ہوگا، دہشت گردی کے خلاف جنگ اجتماعی کاوشوں سے جیتی جاسکتی ہے۔
