بھارتی اداکار شرد کپور کے خلاف 32 سالہ خاتون کو ہراساں کرنے کے الزام میں مقدمہ درج کرلیا گیا۔
بھارتی میڈیا کے مطابق اداکار شرد کپور پر 32 سالہ خاتون نے ہراساں کرنے کا الزام لگاتے ہوئے دعویٰ کیا ہے کہ انہوں نے پروجیکٹ پر بات کرنے کے بہانے اپنے گھر بلایا اور اس دوران انہوں نے نامناسب لباس پہنا ہوا تھا اور اس پر حملہ کرنے کی بھی کوشش کی گئی۔
خاتون نے الزام لگایا کہ اس واقعے کے بعد شرد کپور نے اسے فحش پیغامات بھیجے جس میں ایک وائس نوٹ بھی شامل تھا، پولیس نے اداکار کے خلاف مقدمہ درج کرکے انہیں الزامات کے حوالے سے پوچھ گچھ کے لیے طلب کرلیا ہے۔
پولیس حکام کے مطابق یہ واقعہ مبینہ طور پر 26 نومبر 2024 کو پیش آیا تھا جب متاثرہ خاتون کو شرد کپور نے ایک شوبز پروجیکٹ پر بات کرنے کے بہانے اپنے دفتر میں بلایا، خاتون نے شرد کپور کے خلاف قانونی کارروائی کا مطالبہ کیا ہے۔