کراچی: محکمہ موسمیات نے آئندہ تین روز کے دوران شہر میں تیز اور خشک ہوائیں چلنے کی پیشگوئی کی ہے۔
محکمہ موسمیات کے مطابق شمال مشرقی سمت سے 20 سے 25 کلومیٹر فی گھنٹہ کی رفتار سے ہوائیں چل سکتی ہیں، تاہم مجموعی طور پر موسم خشک اور قدرے خنک رہے گا۔
ادارے کا کہنا ہے کہ اس دوران شہر میں کم سے کم درجہ حرارت تقریباً 16 ڈگری سینٹی گریڈ جبکہ زیادہ سے زیادہ درجہ حرارت 28 ڈگری سینٹی گریڈ تک رہنے کا امکان ہے۔
محکمہ موسمیات نے مزید بتایا کہ سندھ کے بیشتر اضلاع میں موسم رات کے وقت مزید سرد اور دن کے وقت خنک رہنے کی توقع ہے۔
میدانی علاقوں میں صبح کے اوقات میں دھند پڑ سکتی ہے، جس کے باعث حدِ نگاہ میں کمی ہونے کا امکان ہے، لہٰذا شہریوں کو سفر کے دوران احتیاط کی ہدایت کی گئی ہے۔
