واشنگٹن: امریکی اخبار دی نیو یارک ٹائمز نے اپنی ایک رپورٹ میں دعویٰ کیا ہے کہ پاکستان نے آپریشن ’غضب للحق‘ کے دوران افغانستان میں واقع اہم فوجی تنصیب بگرام ایئر بیس کو کامیابی سے نشانہ بنایا ہے۔
رپورٹ کے مطابق اس کارروائی کے نتیجے میں ایئربیس کا ایک طیارہ ہینگر اور دو گودام تباہ ہوئے، جبکہ اس حوالے سے سیٹلائٹ تصاویر بھی منظرعام پر آئی ہیں جن میں مبینہ نقصان کو دکھایا گیا ہے۔
اخبار کی رپورٹ میں کہا گیا ہے کہ مذکورہ آپریشن کے دوران ایک ہفتے کے اندر افغانستان میں مختلف فوجی اہداف پر 50 سے زائد فضائی حملے کیے گئے۔
رپورٹ میں مزید بتایا گیا ہے کہ افغانستان میں فتنۃ الخوارج کی موجودگی سے متعلق شواہد متعدد بار عالمی سطح پر پیش کیے جا چکے ہیں۔