ڈورو میں ریچھ کا حملہ، دو کمسن بہن بھائی زخمی

اننت ناگ/اننت ناگ ضلع کے ڈورو علاقے کے کرال مڈ میں جنگلی ریچھ کے حملے میں دو بہن بھائی زخمی ہوگئے۔حکام کے مطابق کرال مڈ میں جنگلی ریچھ نے اچانک دو بہن بھائیوں پر حملہ کردیا، جس کے نتیجے میں دونوں زخمی ہوگئے۔ مقامی لوگوں نے فوری طور پر زخمیوں کو علاج کے لیے سب ضلع ہسپتال ڈورو منتقل کیا۔
بعد ازاں ڈاکٹروں نے دونوں زخمیوں کو مزید اور بہتر علاج کے لیے جی ایم سی اننت ناگ منتقل کردیا۔زخمیوں کی شناخت 15 سالہ عابد نذیراور اس کی 16 سالہ بہن سہریش نذیر، ساکنان کرال مڈ، کے طور پر ہوئی ہے۔ادھر پولیس نے واقعے کا نوٹس لیتے ہوئے تحقیقات شروع کردی ہیں تاکہ ریچھ کے حملے کے حالات و واقعات کا پتہ لگایا جاسکے۔