ملاقات کے دوران باہمی دلچسپی کے امور، خطے اور دنیا کی بدلتی ہوئی سیکیورٹی صورتحال اور دوطرفہ تعلقات پر تفصیلی تبادلہ خیال
فوٹو آئی ایس پی آر
راولپنڈی: چین کی کمیونسٹ پارٹی کے بین الاقوامی شعبے کے وزیر لیو ہائی شنگ نے جنرل ہیڈ کوارٹرز (جی ایچ کیو) راولپنڈی میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے ملاقات کی ۔
اس موقع پر فیلڈ مارشل سید عاصم منیر نے دونوں ممالک کے درمیان تاریخی اور دیرینہ روابط پر روشنی ڈالی اور اعلیٰ سطحی رابطوں، مضبوط ادارہ جاتی تعلقات اور باہمی دلچسپی کے تمام شعبوں میں تعاون کے فروغ کی اہمیت پر زور دیا۔
چینی وزیر لیو ہائی شنگ نے علاقائی امن و استحکام کے لیے پاکستان کی کاوشوں کو سراہا اور پاک چین دیرینہ اسٹریٹجک شراکت داری کو مزید آگے بڑھانے کے عزم کا اظہار کیا۔
