لکھنؤ (مانیٹرنگ ڈیسک) بھارتی ریاست اترپردیش میں کشیدہ حالات کے دوران ایک مسلمان لڑکی کی شادی انجام پائی اور محلے کے ہندوئوں نے حفاظت کے لیے پہرہ دیا تاکہ ہمسائے مسلمان بے خوف ہو کر شادی کی رسومات ادا کر سکیں۔ شہریت قانون کے خلاف احتجاج میں مظاہرین کی ہلاکت کے باعث کانپور شہر میں بھی حالات کشیدہ ہیں۔ کانپور کے رہائشی واجد فضل نے بتایا کہ وہ اپنی بھتیجی زینت کی شادی پہلے سے طے کر چکے تھے لیکن اب حالات خراب ہوگئے اور ہم شادی کی تاریخ موخر کرنے کا سوچ رہے تھے لیکن ہندو ہمسایوں نے آخر ہمیں تسلی دی اور کہاکہ ہم حفاظت کریں گے آپ شادی کی تقریبات شروع کریں۔ چالیس ہندو نوجوانوں نے میرے گھر اور گلی میں دن رات پہرہ دیا میں اس حسن سلوک کو کبھی نہیں بھلا سکتا۔
