بھارتی ریاست اڑیسہ میں ایک تربیتی طیارہ گر کر تباہ

نئی دہلی (آن لائن)بھارتی ریاست اڑیسہ میں ایک دو سیٹوں والا تربیتی طیارہ گر کر تباہ ہو گیا ۔ جسکے نتیجے میں ایک خاتو ن پائلٹ اور اسکا انسٹریکٹر ہلاک ہو گیا ۔ بھارتی خبر رساں ادارے کے مطابق یہ حادثہ بیرسالہ کے گورنمنٹ ایوی ایشن ٹریننگ انسٹی ٹیوٹ (جی اے ٹی آئی) میں پیش آیا۔ تربیتی طیارہ پیر کی صبح کی پرواز کے بعد گر کر تباہ ہوگیا۔ حادثے کی وجوہات جاننے کے لیے تحقیقات شروع کر دی گئی ہیں ۔