آئی سی سی نے ٹی ٹوئنٹی ورلڈ کپ کے شیڈول کا اعلان کر دیا

دبئی: آئی سی سی نے ٹی ٹوئنٹی ورلڈکپ کے شیڈول کا اعلان کر دیا ہے۔

آئی سی سی کے مطابق ٹی ٹوئنٹی ورلڈکپ کا آغاز اومان اور یو اے ای میں 17 اکتوبر سے ہوگا جب کہ ٹورنامنٹ کا فائنل 14 نومبر کو دبئی میں کھیلا جائے گا۔

شیڈول کے مطابق پاکستان اور بھارت کے درمیان میچ 24 اکتوبر کو دبئی میں کھیلا جائے گا، پاکستان اور نیوزی لینڈ 26 اکتوبر کو شارجہ میں آمنے سامنے ہوں گے جبکہ قومی ٹیم اور افغانستان 29 اکتوبر کو دبئی میں مدمقابل ہوں گے۔

آئی سی سی کے مطابق 10 نومبر کو پہلا سیمی فائنل ابوظہبی میں ہوگا اور اگلے روز 11 نومبر کو دبئی میں دوسرا سیمی فائنل کھیلا جائے گا۔