شاہ رخ خان ٗ سلمان ٗ ٗ عامر اور سیف علی خان کیلئے خطرے کی گھنٹی بج گئی

حکمران جماعت بی جے پی نے ممبئی وار نئی دہلی میں مقیم مسلمان فنکاروں کے بارے میں معلومات جمع کرنا شروع کردیں
فنکاروں کے سوشل میڈیا اکائونٹس کو بھی چیک کرنے کیلئے کہا گیا ہے ٗ بیانات کی جانچ پڑتال کے بعد فنکاروں کیخلاف قانونی کارروائی کی جائیگی
اسلام آباد( مانیٹرنگ ڈیسک) بھارت میں بسنے والے مسلمان فنکاروں‘ اداکاروں جیسے سلمان خان‘ شاہ رخ خان‘ عامر خان‘ سیف علی خان اور دیگر کے اہل خانہ کو سی اے اے قانون کی وجہ سے بھارتی شہریت کا مقدمہ لڑنا ہوگا‘ اب شہریت کے چھن جانے کے خدشہ کے ساتھ ساتھ ان فنکاروں کی مشکلات میں اضافے کے خطرے کی گھنٹی بج گئی‘ حکمران جماعت بی جے پی کی طرف سے ممبئی‘ نئی دہلی میں رہائش پذیر فنکاروں کی فہرستیں تیار کرنے کے ساتھ ساتھ ان کے بارے میں بھی معلومات اکٹھی کی جائینگی۔ بی جے پی کے ممبئی اور نئی دہلی میں موجود دفاتر کو خصوصی ہدایات جاری کی گئی ہیں کہ ان فنکاروں کے سوشل میڈیا کے اکائونٹس کو مانیٹر کیا جائے اور فنکاروں کے بیانات کی جانچ پڑتال کی جائے تاکہ اس بنیاد پر ان فنکاروں کیخلاف قانونی کارروائی کی جائے۔ مودی حکومت کی طرف سے 11 دسمبر کو شہریت ترمیمی قانون2019 پیش کیا گیا جس کے منفی خدشات سے مسلمان باشندوں میں اضطراب پایا جارہا ہے۔ سینئر ایڈووکیٹ ندیم بھٹی کاکہنا ہے کہ اس قانون کا بغور جائزہ لیا ہے‘ بھارتی مسلمانوں کے لئے تیار کیا جانیوالا کالا قانون بھارت کو تقسیم کرنے میں معاون ہوگا۔ نریندر مودی ایک ظالم حکمران ہے۔ دنیا بھر میں انسانی حقوق کیلئے کام کرنیوالے ادارے اور ممالک کو بھارت میں مظالم نظر نہیں آتے‘ مقبوضہ کشمیر میں لگنے والی آگ نے پورے بھارت کو اپنی لپیٹ میں لے لیا ہے۔