اسلام آباد میں پبلک اور گڈز ٹرانسپورٹ کے داخلے پر عائد پابندی ختم کر دی گئی ہے، جبکہ فیض آباد کے علاوہ تمام بس اڈے بھی کھول دیے گئے ہیں۔
ضلعی انتظامیہ کے مطابق فیض آباد بس ٹرمینل تاحکم ثانی بند رہے گا۔ شہر میں تمام مارکیٹیں اور شاپنگ مال رات 8 بجے بند کرنے کا فیصلہ کیا گیا ہے۔
انتظامیہ نے واضح کیا ہے کہ میڈیکل اسٹورز، اسپتال، پیٹرول پمپ اور دودھ دہی کی دکانیں اس پابندی سے مستثنا ہوں گی، جبکہ ریسٹورنٹس، فوڈ آؤٹ لیٹس اور تندور رات 10 بجے تک کھلے رہ سکیں گے۔
اس کے علاوہ اسلام آباد میں ہائیکنگ ٹریلز کو بھی دوبارہ کھول دیا گیا ہے۔
دوسری جانب راولپنڈی کے تمام داخلی و خارجی راستے ہر قسم کی ٹریفک کے لیے بحال کر دیے گئے ہیں، جبکہ راولپنڈی-اسلام آباد میٹرو اور گرین بس سروس بھی دوبارہ شروع کر دی گئی ہے۔
