جینسن ہوانگ کے ایک اور ملازمہ سے قریبی تعلقات کا انکشاف، دو ذرائع نے تصدیق کر دی
این ویڈیا کے مستعفی سی ای او کا تیسرا معاشقہ نکل آیا
سان فرانسسکو: این ویڈیا کے مستعفی ہونے والے سابق چیف ایگزیکٹو آفیسر جینسن ہوانگ کے ایک دوسری ملازمہ کے ساتھ بھی قریبی تعلقات کا انکشاف ہوا ہے، جس کی تصدیق معاملے سے باخبر دو افراد نے کی ہے۔
خبر رساں ادارے رائٹرز کے مطابق یہ انکشاف جینسن ہوانگ کے دو دیگر ازدواجی تعلقات سے باہر معاشقوں کی خبروں کے بعد سامنے آیا ہے، جن میں ایلس ہوانگ اور این ویڈیا کی نائب صدر برائے صحت کیئر کمبرلی پاول شامل ہیں۔ تاہم رائٹرز نے دوسری ملازمہ کی شناخت ظاہر نہیں کی۔
رائٹرز نے متعلقہ خاتون سے رابطے کی کوشش کی، تاہم کامیابی حاصل نہیں ہوئی۔ این ویڈیا نے اس معاملے پر تبصرہ کرنے سے انکار کیا، جبکہ جینسن ہوانگ، کمبرلی پاول اور کمپنی کے بورڈ کے نمائندے نے بھی تبصرے کی درخواستوں کا جواب نہیں دیا۔ ایلس ہوانگ سے بھی رابطہ نہیں ہو سکا۔
جینسن ہوانگ نے 8 نومبر کو جاری بیان میں ایلس ہوانگ کے ساتھ تعلقات کی خبروں کے بعد معاشقے کا اعتراف کیا تھا، تاہم انہوں نے اپنے بیان میں ایلس ہوانگ کا نام نہیں لیا تھا۔
63 سالہ شادی شدہ جینسن ہوانگ پر ایلس ہوانگ کے ساتھ تعلقات کی خبروں کے بعد عہدہ چھوڑنے کے لیے دباؤ بڑھ گیا تھا۔ ان کے استعفے سے مصنوعی ذہانت کی صنعت متاثر ہونے کا امکان ظاہر کیا جا رہا ہے، جس کی تشکیل میں انہوں نے اہم کردار ادا کیا ہے۔
این ویڈیا نے اپنے مالی وسائل کے ذریعے پیچیدہ مالیاتی انتظامات کے تحت اپنی چپس کی خریداری آسان بنائی اور کلاؤڈ کمپیوٹنگ کمپنیوں اور مصنوعی ذہانت کی لیبارٹریوں کی معاونت کرتے ہوئے اس صنعت کو فروغ دینے میں کردار ادا کیا۔
جینسن ہوانگ کے استعفے کے بعد این ویڈیا کے بورڈ نے چیف فنانشل آفیسر کولیٹ کریس کو عبوری سی ای او مقرر کر دیا ہے۔ بورڈ نئے سربراہ کی تلاش کے دوران کمپنی کے اندرونی اور بیرونی امیدواروں پر غور کر رہا ہے۔
رپورٹ کے مطابق رواں ماہ کے آغاز میں این ویڈیا کے بورڈ نے آزاد ڈائریکٹرز اور بیرونی قانونی مشیروں کی سربراہی میں تحقیقات شروع کی تھیں کہ آیا جینسن ہوانگ کو کسی غیر ملکی انٹیلی جنس آپریشن کے ذریعے نشانہ بنایا گیا تھا۔ اس وقت بورڈ نے ان پر اعتماد کا اظہار بھی کیا تھا۔
دوسری جانب جمعرات کو کاروباری سرگرمیوں کے دوران این ویڈیا کے حصص کی قیمت میں 5.5 فیصد کمی ریکارڈ کی گئی، جبکہ اکتوبر کے آغاز میں اپنی بلند ترین سطح پر پہنچنے کے بعد سے کمپنی کے حصص کی قدر 30 فیصد سے زیادہ گر چکی ہے۔
