اسلام آباد: وفاقی وزیر سائنس و ٹیکنالوجی فواد چوہدری نے کہا ہے کہ ایک ایسی سیاسی قوت جس کا انتخابات میں کوئی مقام نہیں وہ جتھے لے کر حملہ آور ہے۔
مولانا فضل الرحمان کی جانب سے وزیراعظم کو مستعفی ہونے کے لیے 2 دن کی مہلت کے بیان پر فواد چوہدری نے کہا کہ کیا پاکستان افغانستان ہے جہاں جتھے دارلخلافہ پر حملہ کر کے منتخب وزیر اعظم کو مستعفیٰ ہونے کی دھمکیاں دیں گے؟
ٹوئٹر پر فواد چوہدری نے کہا کہ عمران خان کروڑوں لوگوں کے نمائندہ ہیں یہ رویے پاکستان کی اساس کو تباہ کرنے کے مترادف ہیں، ایسی سیاسی قوت جس کا انتخابات میں کوئی مقام نہیں وہ جتھے لے کر حملہ آور ہے۔
کیا پاکستان افغانستان ہے جہں جھتے دارلخلافہ پر حملہ کر کے منتخب وزیر اعظم کو مستعفیٰ ہونے کی دھمکیاں دیں گے؟ عمران خان کروڑوں لوگوں کے نمائندہ ہیں یہ رویے پاکستان کی اساس کو تباہ کرنے کے مترادف ہیں، ایسی سیاسی قوت جس کا انتخابات میں کوئ مقام نہیں وہ جتھے لیکر حملہ آور ہے
— Ch Fawad Hussain (@fawadchaudhry) November 1, 2019
سینئر صحافی حامد میر کی ٹوئٹ پر ردعمل دیتے ہوئے فواد چوہدری نے کہا کہ شدت پسند لوگوں کو خواتین صحافیوں کو کوریج کی اجازت دینا واقعی بڑا کارنامہ ہے، صحافی برادری اور آپ کو واقعی شکر گزار ہونا چاہئے۔
شدت پسند لوگوں کو خواتین صحافیوں کو کوریج کی اجازت دینا واقعی بڑا کارنامہ ہے، صحافی برادری اور آپ کو واقعی شکر گزار ہونا چاہئے:) https://t.co/OMMNAulCtG
— Ch Fawad Hussain (@fawadchaudhry) November 1, 2019
