گرانٹ فلاور کی یونس خان سے معذرت

کراچی (اسٹاف رپورٹر) پاکستان کرکٹ ٹیم کے سابق بیٹنگ کوچ گرانٹ فلاور نے قومی کرکٹ ٹیم سابق نامور بلے باز اور موجودہ بیٹنگ کوچ یونس خان سے چھری کے حوالے سے بیان پر معافی مانگ لی جس کی وجہ سے عام تاثر کہ دونوں میں کوئی تنازع ہے ختم ہو گیا۔ قومی ٹیم کے سابق بیٹنگ کوچ گرانٹ فلاور نے یونس خان سے رابطہ کرکے ان سے معذرت کی اور کہا کہ میرے بیان کو میڈیا نے سنسنی خیز بنایا۔ گذشتہ دنوں گرانٹ فلاور نے انٹرویو میں الزام لگایا تھا کہ دورہ آسٹریلیا کے دوران یونس خان نے ان کے گلے پر چھری رکھ دی تھی۔