مقبوضہ بیت المقدس (انٹرنیشنل ڈیسک) مقبوضہ بیت المقدس کے قلندیہ پناہ گزین کیمپ میں فلسطینیوں اور اسرائیلی فوج کے درمیان تصادم کے نتیجے میں 4 فلسطینی اور 6 صہیونی فوجی زخمی ہوگئے۔ فلسطینی ذرائع ابلاغ کے مطابق اسرائیلی فوج اور فلسطینیوں کے درمیان پناہ گزین کیمپ میں شہید خالد حمد کے گھر پر تصادم ہوا۔ صہیونی فوجیوں نے خالد حمد کے 2بیٹوں معاذ اور محمد کو اغوا کرنے کی کوشش کی، جس پر مشتعل نوجوانوں نے بھرپور مزاحمت کی۔ اس دوران قابض فوج نے شہریوں کو منتشر کرنے کے لیے ان پر براہ راست گولیاں چلائیںاور آنسوگیس کی بے دریغ شیلنگ کی۔