ہانگ کانگ (انٹرنیشنل ڈیسک) ہانگ کانگ میں جمہوریت نواز کارکن اور میڈیا ٹائیکون جمی لائی کو متنازع سیکورٹی قانون کے تحت حراست میں لے لیا گیا۔ ان پر الزام عائد کیا گیا کہ وہ غیر ملکی طاقتوں سے رابطہ کرکے قومی سلامتی کو خطرے میں ڈالنے کے مرتکب ہوئے۔ ایپل ڈیلی جریدے کے بانی 73سالہ جمی لائی پہلی بڑی شخصیت ہیں، جنہیں جون میں متعارف کرائے گئے سیکورٹی قوانین کے تحت گرفتار کیا گیا ہے۔ وہ ہانگ کانگ کی جمہوری تحریک کے لیے بین الاقوامی حمایت حاصل کرنے کے لیے سرگرم رہے ہیں۔