جرمن فوج کے ڈرون مسلح کرنے کا فیصلہ تعطل کا شکار

برلن (انٹرنیشنل ڈیسک) جرمن فوج کو دیے جانے والے اسرائیلی ساختہ ڈرونز کو مسلح کرنے کا معاملہ کھٹائی میں پڑ گیا۔ ذرائع ابلاغ کے مطابق جرمن فوج کو جلد ہی 5ہیرون ٹی پی نامی ڈرون فراہم کیے جائیں گے،جو اسرائیلی ایرواسپیس انڈسٹریز کے تیار کردہ ہیں۔ یہ ڈرون 30گھنٹے تک فضا میں نگرانی کرنے کی استعداد رکھتے ہیں اور خراب موسم میں بھی کارکردگی متاثر نہیں ہوتی۔ فوج کا مطالبہ ہے کہ ڈرونز میں ہتھیار بھی نصب کیے جائیں۔