نئی دہلی (انٹرنیشنل ڈیسک) بھارتی وزیر اعظم نریندر مودی نے ملک میں سراپا احتجاج بنے ہوئے کسانوں کو ایک بار پھر مذاکرات کی پیشکش کی ہے۔ خبر رساں اداروں کے مطابق مودی نے اپنی تقریر میں کسانوں کو یقین دلانے کی کوشش کی ہے کہ زراعت کے شعبے میں متعارف کردہ اصلاحات در اصل ان کے مفاد میں ہیں۔ انہوں نے مزید کہا کہ چند عناصر مقای منڈیوں میں جھوٹی خبریں پھیلا رہے ہیں۔ علاوہ ازیں بھارتی وزیر اعظم نے 90 لاکھ کسانوں کے لیے ڈھائی ارب روپے جاری کرنے کا بھی اعلان کیا۔