حیدرآباد (اسٹاف رپورٹر) آل پاکستان کلرکس ایسوسی ایشن (ایپکا) کی جانب سے کشمیر کے مظلوم مسلمانوں سے اظہار یکجہتی کے لیے ریلی نکالی گئی، حیدرآباد پریس کلب کے سامنے مظاہرہ کیا گیا۔ اس موقع پر منور علی شاہ، شاہد سومرو، انور میمن، مظہر سمیجو، ساجدہ لغاری، محسن قریشی ودیگر نے کہاکہ کشمیر کے حل کے لیے عملی اقدامات کرنا ہوں گے۔ یہ محض زبانی باتوں سے حل نہیں ہوگا۔ انہوں نے کہا کہ بھارت نے کشمیر میں ظلم کا بازار گرم کیا ہو اہے جبکہ اقوام متحدہ کی قرار دادوں کو ردی کی ٹوکری میں ڈال دیا گیا ہے۔ انہوں نے مطالبہ کیا کہ عالمی برادری کشمیر میں ہونے والے ظلم کا نوٹس لے اور اقوام متحدہ کی قراردادوں کے مطابق کشمیریوں کو حق خود ارادیت دیا جائے۔