حیدرآباد (اسٹاف رپورٹر) پاک سرزمین پارٹی کے وائس چیئرمین شبیر قائم خانی نے کہا ہے کہ سندھ پر 13سال سے برسراقتدار پیپلزپارٹی نے حیدرآباد کو کھنڈر بنادیا ہے، شاہراہیں ٹوٹ پھوٹ کا شکار جبکہ گلیاں ومحلے تالاب کا منظر پیش کررہے ہیں،یہ بات انہوںنے پاکستان ہاﺅس حیدرآباد میں ڈویژنل کمیٹی کے اجلاس سے خطاب کرتے ہوئے کہی ۔ انہوںنے کہا کہ حیدرآباد کی شاہراہوںکو دیکھ کر لگتا ہے کہ یہ شہریتیم ہے اور اس کا کوئی والی وارث نہیں، شہر کے اسپتال، اسکول، کالج ،سڑکیں اور صنعتی علاقے تباہ حال ہےں، سردیوں میں گیس اور گرمیوں میں بجلی نہیں ہوتی۔ تمام بیورو کریسی پیپلز پارٹی کی لگائی ہوئی ہے لیکن جو حشر اس شہر کے ساتھ کررہے ہیں وہ عوام دیکھ رہے ہیں۔ انہوں نے صوبائی حکومت سے مطالبہ کیا کہ عوام کے صبر کا پیمانہ لبریز ہونے سے قبل حیدرآباد کی ترقی کیلےے خصوصی اقدامات کریں ورنہ بہت جلد عوام اپنے حقوق کیلےے سڑکوںپر ہوںگے۔