مودی حکومت نے اپنی ہی ایئرفورس کو ساڑھے 45 ہزار کروڑ کا ٹیکہ لگا دیا۔
ذرائع ابلاغ کے مطابق بھارتی وزیر دفاع راج ناتھ سنگھ نے بھارتی کمپنی کو 6.25 بلین ڈالر ٹھیکے سے نوازا، تیجا جہاز ہندوستانی مگ 21 کے نعم البدل کے طور پر متعارف کرائے جا رہے ہیں۔
1970 کے بعد سے مگ 21 کے حادثات میں 170 پائلٹ اور 40 شہری ہلاک ہو چکے ہیں۔ بھارتی ایوی ایشن انڈسٹری مسلسل ناکامیوں کی وجہ سے دنیا بھر میں بدنام ہے۔
ذرائع ابلاغ میں جاری رپورٹ کے مطابق بھارتی وزیر دفاع راج ناتھ سنگھ نے تیجا جہاز خریدنے پر مجبور کیا۔
بھارتی نیوی جہازوں کو تکنیکی مسائل کی وجہ سے مسترد کر چکی تھی۔ بھارت 26 سال میں اپنے تیار کردہ جہاز کی کینوپی کا فالٹ تک درست نہ کر پایا۔ تیجا جہازوں میں سے اب تک 60 فیصد گراؤنڈ ہوچکے ہیں۔