تہران (انٹرنیشنل ڈیسک) ایران کے شمال مغربی شہر اردبیل کی رہایشی عمارت میں گیس کا دھماکا ہونے سے 2 افراد ہلاک اور 14 زخمی ہو گئے۔ مقامی حکام کا کہنا ہے کہ دھماکے سے 2 عمارتیں مکمل طور پر تباہ ہوگئیں اور دیگر کو جزوی نقصان پہنچا۔ حادثے کے بعد ملبے تلے دبے افراد کو نکال کر اسپتال منتقل کر دیا گیا، جب کہ 2لاشیں بھی تلاش کرلی گئیں۔ دھماکے کی جگہ پر آگ لگنے کے شواہد نہیں، تاہم اس حوالے سے تحقیقات کا سلسلہ جاری ہے۔ واضح رہے کہ گزشتہ برس جون سے ایران کی فوجی، صنعتی اور جوہری تنصیبات میں درجنوں دھماکے ہو چکے ہیں۔