کیتھولک فرقے کے روحانی پیشوا اور ویٹیکن کے سربراہ پوپ فراچیسکس انتڑیوں کی بیماری کی وجہ سے آپریشن کے لئے اٹلی کے دارالحکومت روم کے ہسپتال میں داخل ہیں۔
ویٹیکن سے جاری کئے گئے بیان کے مطابق پوپ کو سمپٹومیٹک کولون ڈائیورٹیکل عارضے کی وجہ سے پہلے سے طے شدہ آپریشن کے لئے اتوار کے دن بعد دوپہر روم کے گیمیلی ہسپتال میں داخل کر لیا گیا ہے۔
بیان میں کہا گیا ہے کہ آپریشن کے بعد پوپ کی صحت کی صورتحال کے بارے میں معلومات فراہم کی جائیں گی۔
اطالوی ذرائع ابلاغ کے مطابق اتوار کے دن شام کے وقت پوپ کا آپریشن کیا گیا۔
84 سالہ روحانی پیشوا آپریشن کے بعد5 دن تک ہسپتال میں رہیں گے۔
پوپ کی علالت کی خبر کے بعد متعدد لیڈروں نے انہیں پغام بھیج کر ان کے لئے عاجل شفا کی تمنا ظاہر کی ہے۔
اٹلی کے صدر سرگیو ماتاریلا ، مالٹا کے صدر جارج ویلا اور یورپی پارلیمنٹ کے سربراہ ڈیوڈ ساسولی نے پوپ فرانچسکس کو فوری صحت مندی کا پیغام بھیجا ہے۔