ترکی کے وزیر خارجہ میولود چاوش اولو نے جنوبی کوریا کے وزیر خارجہ چنگ یو یونگ کے ساتھ 2 نئے سمجھوتوں پر دستخط کئے۔
چاوش اولو مختلف ملاقاتوں و مذاکرات کے لئے جنوبی کوریا کے دارالحکومت سیول کے دورے پر ہیں۔ سیول میں مصروفیات کے دوران انہوں نے اپنے ہم منصب چنگ یو یونگ کے ساتھ دو طرفہ اور بین الوفود مذاکرات کئے۔
مذاکرات کے بعد دونوں ممالک کے وزرائے خارجہ نے دو ہرے ٹیکس کے سدباب اور سائنس اینڈ ٹیکنالوجی کے شعبوں میں تعاون کے سمجھوتوں پر دستخط کئے۔