کولمبو(جسارت نیوز)سری لنکا اور آسٹریلیا کے درمیان ہونے والی وائٹ بال سیریز کے میچز کا وقت تبدیل کردیا گیا۔آسٹریلوی میڈیا کے مطابق سری لنکا کے حالات کے باعث سری لنکا میں وائٹ بال میچز کے وقت کو تبدیل کیا گیا ہے۔اس حوالے سے آسٹریلوی میڈیا کا مزید کہنا ہے کہ 7 جون سے 24 جون ہونے والے میچز اب دن کی روشنی میں ہوں گے، سری لنکا کرکٹ باضابطہ طور پر ڈے میچز کا اعلان جلد کرے گا۔خیال رہے کہ گزشتہ روز آسٹریلوی کرکٹ ٹیم کے بعض کھلاڑیوں نے سری لنکا کے حالات پر تحفظات کا اظہار کیا تھا۔آسٹریلیا نے سری لنکا میں آئندہ ماہ 3 ٹی ٹوئنٹی اور 5 ون ڈے میچز کھیلنا ہیں ۔