ناروال : وفاقی وزیربرائے منصوبہ بندی احسن اقبال کے ساتھ نجی ریسٹورنٹ میں نا مناسب رویہ اپنانے والے خاندان کے افراد نے معافی مانگ لی ہے۔
سماجی رابطے کی ویب سائٹ پر احسن اقبال نے ٹوئٹ کرتے ہوئے کہاکہ میں پہلے ہی ان کے خلاف قانونی چارہ جوئی نہ کرنے کا اعلان کرچکا تھا، امن وامان کی صورتحال قائم کرنے کے لیے اسطرح کے واقعات کو نظر انداز کرنا ہی بہتر ہے۔
وفاقی وزیر نے کہاکہ ہم سب پاکستانی ہیں، ہمیں اختلاف کے حق کو نفرت میں تبدیل نہیں کرنا چاہیے اور ہمیں باہمی احترام کا رشتہ بھی قائم رکھنا ہے۔
واضح رہے کہ چندر روز قبل بھیرہ انٹرچینج پر واقع ایک ریسٹورنٹ میں موجود فیملی نے احسن اقبال کا مذاق اڑاتے ہوئے چور چور کے نعرے لگائے تھے ، جسے کے بعد سوشل میڈیا پر وہ ویڈیو خوب وائرل ہوگئی تھی۔
