کیف: یوکرائن کے صدر ولادیمیر زیلنسکی نے بھارت سمیت جرمنی، جمہوریہ چیک، ناروے اور ہنگری میں اپنے ملک کے سفیروں کو برطرف کردیا۔
غیرملکی خبرساں اداروں کے مطابق ولادیمیر زیلنسکی نے کہا کہ کئی سینئر سفیروں کو بیرون ملک برطرف کر دیا ہے۔ انہوں نے کہا کہ ان عہدوں کے لیے نئے امیدواروں کو تیار کیا جا رہا ہے۔ یوکرینی صدر کا کہنا تھا کہ یہ سفارتی مشق کا ایک عام حصہ ہے۔ تاہم یہ واضح نہیں کہ آیا سفیروں کو نئے عہدے تفویض کیے جائیں گے۔
ولادیمپیر زیلنسکی نے اپنے سفارت کاروں پر زور دیا کہ وہ یوکرین کے لیے بین الاقوامی حمایت اور فوجی امداد حاصل کریں۔ جرمنی کے ساتھ کیف کے تعلقات، جو کہ روس کی توانائی کی فراہمی اور یورپ کی سب سے بڑی معیشت پر بہت زیادہ انحصار کرتا ہے، خاص طور پر حساس ہیں۔
