اسلام آباد:وزیراعظم میاں محمد شہباز شریف نے کہا ہے کہ یوم شہداء کشمیر، کشمیریوں کی جانب سے اپنے ناقابل تردید اور اقوام متحدہ کی جانب سے منظور کئے گئے حق خود ارادیت کے لئے دی گئی قربانیوں کی یاد دہانی کرواتا ہے ۔
ان خیالات کااظہار وزیر اعظم شہباشریف نے ٹوئٹر پر جاری اپنے بیان میں کیا کہ کشمیریوں نے حق خودارادیت کیلئے قربانیاں دیں، یوم شہدائے کشمیر ان قربانیوں کی یاد دہانی کراتا ہے۔
یوم شہدائے کشمیر UN کے دئیے ہوئے استصواب رائے کے ناقابل تنسیخ حق کے حصول کے لئے کشمیریوں کی عظیم قربانیوں کی یاد دہانی کا دن ہے۔ کشمیریوں نے بھارتی غاصبانہ قبضے سے نجات کے لئے نسل در نسل بے مثال قربانیاں دے کر آزادی کی شمع کو روشن رکھا اور بھارتی غلامی قبول کرنے سے انکار کیا ہے۔
— Shehbaz Sharif (@CMShehbaz) July 13, 2022
ان کا کہنا تھا کہ بھارت سے آزادی حاصل کرنے کی شمع کو کشمیریوں کی نسلوں نے بھارت کی جانب سے مظالم اور ظلم وستم کے باوجود زندہ رکھا ہوا ہے۔