یورپی یونین نے روس پر عائد کردہ اقتصادی پابندیوں کی مدت میں اضافہ کر دیا ہے۔
یورپی یونین کونسل نے جاری کردہ بیان میں کہا ہے کہ روس پر اقتصادی پابندیوں کی مہلت کو 31 جنوری 2023 تک بڑھانے کا فیصلہ کیا گیا ہے۔
بیان میں کہا گیا ہے کہ یوکرین کو غیر مستحکم کرنے کی وجہ سے روس پر عائد کی گئی پابندیاں 2014 میں شروع کی گئیں اور روس کے یوکرین پر حملے کے بعد رواں سال ماہِ فروری سے ان پابندیوں میں توسیع کر دی گئی ہے۔
بیان میں کہا گیا ہے کہ فی الوقت یہ پابندیاں مالیات، توانائی، صنعت، رسل رسائل، ٹیکنالوجی، دوہرے استعمال والی مصنوعات اور لگژری مصنوعات سمیت ایک وسیع حلقے کا احاطہ کرتی ہیں۔
یورپی یونین یوکرین۔روس جنگ شروع ہونے کے بعد سے روس پر 7 پابندی پیکیجوں کا اطلاق کر چُکی ہے۔
پابندیوں کی رُو سے روس سے سونے، پیٹرول اور کوئلے کی درآمدات ممنوع قرار دے دی گئیں۔
علاوہ ازیں روس کے متعدد بینکوں کو بین الاقوامی منی ٹرانسفر سسٹم SWIFTسے خارج کر دیا گیا۔