ایران نے کہا کہ وہ اصفہان میں ایک نیا جوہری تحقیقاتی ری ایکٹر تعمیر کرے گا۔
ایرانی سرکاری خبر ایجنسی IRNA کےمطابق، ملکی ایٹمی توانائی کمیشن کے صدر محمد اسلامی نے اصفہان میں یورینیئم کی افزودگی کے لیے قائم ایک تنصیب کا مشاہدہ کیا ۔
اس دوران اپنے بیان میں اسلامی نے کہا کہ ہم یہاں ایک نیا جوہری تحقیقاتی ری ایکٹر قائم کریں گے جو کہ مکمل طور پر ملکی وسائل سے تیار کیا جائے گاکیونکہ ایران کو مقامی جوہری تنصیبات کی استعداد میں اضافے کی ضرورت ہے جن کے قیام کے لیے ملک کا جنوبی حصہ موزوں بھی ہے۔
محمد اسلامی نے اعادہ کیا کہ ایران کا جوہری پروگرام پر امن اور سول مقاصد کےلیے ہے ۔