اسلام آباد: قومی احتساب بیورو(NAB) کے ڈپٹی پراسیکیوٹر جنرل سردار مظفر احمد خان اور نیب اسلام آباد راولپنڈی کے دیگر لاءآفیسران نے سیلاب زدگان کے لیے عطیات الخدمت فاﺅنڈیشن آزادکشمیر کے سیکرٹری جنرل آفتاب عالم کے حوالے کیے۔
نیب کے ڈپٹی پراسیکیوٹر جنرل سردار مظفر احمد خان،خواجہ منظور لون ایڈووکیٹ نے الخدمت فاﺅنڈیشن کی امدادی سرگرمیوں کو سراہا اور کہا کہ سیلاب زدگان کے لیے الخدمت نے ریسکیو کر کے انسانی جانوں کو بچایا اور اب ریلیف سرگرمیوں میں بھی الخدمت کی خدمات قابل تحسین ہیں۔
ان کا کہنا تھا کہ ہم سب کا یہ قومی فریضہ ہے کہ مصیبت کی اس گھڑی میں اپنے دکھی بھائیوں کی مدد کریں اور آگے بڑھ کر اپنے حصے کا کردار ادا کریں، اس موقع پر سیکرٹری جنرل الخدمت فاﺅنڈیشن آفتاب عالم نے الخدمت پر اعتماد کرنے پر ان کا شکریہ ادا کیا اور کہا کہ مشکل کی اس گھڑی نے پوری قوم نے اپنے بھائیوں کی مدد کے لیے ہر ممکن کردار ادا کیا الخدمت فاﺅنڈیشن متاثرین کی مکمل بحالی تک اپنی سرگرمیاں جاری رکھے گی اور ہر مستحق تک امداد پہنچائے گی۔
