پشاور:ضلع خیبر میں افغان بارڈر کے قریب سی ٹی ڈی کی کارروائی میں3دہشتگرد ہلاک ہو گئے۔
ترجمان سی ٹی ڈی کے مطابق ضلع خیبر میں افغان بارڈر کیساتھ کارروائی کی گئی۔ مبینہ دہشتگردوں نے چھاپے کے دوران فائرنگ کردی، جوابی کارروائی کے دوران 3دہشتگرد مارے گئے۔
سی ٹی ڈی کے مطابق ہلاک ہونے والوں کا تعلق دہشتگرد تنظیم سے تھا ۔ہلاک دہشتگردوں کے قبضے سے بھاری مقدار میں اسلحہ برآمد کیا گیا، جس میں 3 کلاشنکوف ، 12 میگزین ، 2 ہینڈ گرنیڈ،3 بنڈولئیراور درجنوں کارتوس بھی شامل ہیں۔
ترجمان سی ٹی ڈی کا کہنا تھا کہ تاریکی کا فائدہ اٹھاتے ہوئے 2 یا 3 دہشتگرد افغان بارڈر کی طرف فرار ہو گئے۔فرار دہشتگردوں کی گرفتاری کیلئے سرچ آپریشن جاری ہے،ترجمان سی ٹی ڈی کا کہنا تھا کہ دہشتگرد ضلع خیبر میں کارروائی کی منصوبہ بندی کئے ہوئے تھے۔