اسلام آباد: اسلام آباد پولیس نے پاکستان تحریک انصاف کے ممکنہ لانگ مارچ یا دھرنے کے لیے صوبوں سے پولیس، رینجرز اور ایف سی کے 30 ہزار اہلکار مانگ لیے۔
میڈیا رپورٹس کے مطابق پنجاب سے 20 ہزار، خیبرپختونخوا سے پولیس کے 4 ہزاراور 6 ہزار رینجرز کی نفری مانگی گئی ہے۔ پولیس، ایف سی اور رینجرز کے علاوہ سیکڑوں کنٹینرز بھی لگائے جائیں گے اورداخلی راستوں پر کنٹینرز کے ساتھ خندقیں بھی کھودی جائیں گی۔
ذرائع نے بتایا کہ اضافی آنسوگیس کے شیل اور آنسوگیس پھینکنے والے ڈرونزبھی منگوائے جائیں گے۔ ایف سی کے 3 ہزار اہلکار اسلام آباد پہنچ بھی گئے ہیں تاہم پنجاب اورخیبرپختونخوا نے ابھی تک نفری دینے کا فیصلہ نہیں کیا۔