شام میں بشار الاسد حکومت کے حامی روسی جنگی طیاروں کی کیفر لوسین کے علاقے میں پناہ گزینوں کے کیمپ پر بمباری سے 8 شہری زخمی ہوگئے۔
روسی جنگی طیاروں نے ادلیب کے دیہی علاقے کیفر لوسین میں پناہ گزینوں کے کیمپ کو نشانہ بنایا۔
مقامی ذرائع سے جاری بیان میں کہا گیا ہے کہ حملے میں 8 شہری زخمی ہوئے جن میں سے ایک کی حالت تشویشناک ہے۔
ایک اسکول کے جوار میں ہونے والے فضائی حملے سے شدید خوف وہراس پھیل گیا۔
حملے کے علاقے سے دھواں اٹھتے ہی بچے اور ان کے اہل خانہ خوف کے مارے بھاگتے نظر آئے۔
زخمیوں کو جائے وقوعہ پر پہنچنے والی سول ڈیفنس کی ٹیموں نے اسپتال پہنچایا۔