نیویارک: پاکستان میں سیلاب سے متاثرہ افراد کی امداد بڑھانے کیلئے اقوام متحدہ میں قرارداد منظور کر لی گئی۔
تفصیلات کے مطابق اقوام متحدہ کی جنرل اسمبلی میں ایک قرارداد منظور کی جس میں ترقی پذیر ممالک سے موسمیاتی تبدیلیوں سے نمٹنے کے لیے مزید فنڈ حاصل کرنے کا مطالبہ کیا گیا، قرارداد میں پاکستان کی حمایت کا بھی اظہار کیا گیا جس کے ملک کا تیسرا حصہ مون سون کی غیر معمولی بارشوں کے نتیجے میں زیر آب ہے،193رکنی باڈی کی طرف سے اتفاق رائے سے منظور کی گئی۔
قرارداد میں کہا گیا ہے کہ بین الاقوامی موسمیاتی فنانسنگ تک بہتر رسائی ترقی پذیر ممالک کو موسمیاتی تبدیلیوں کو کم کرنے اور اس کے مطابق ڈھالنے میں مدد دینے کے لیے اہم ہے، خاص طور پر وہ جو سب سے زیادہ خطرے کا شکار ہیں۔
جنرل اسمبلی سے خطاب میں سیکرٹری جنرل انتونیو گوتیرس کا کہنا تھا کہ اقوام متحدہ کے موسمیاتی مذاکرات کو COP27 کے نام سے جانا جاتا ہے جو نومبر میں مصر میں شروع ہو رہا ہے،COP27 کو موافقت اور لچک کے لیے اہم فنڈنگ کے بارے میں واضح کرنے کی جگہ ہونا چاہیے۔
انتونیو گوتیرس کا کہنا تھا کہ موسمیاتی تبدیلیوں کے لیے ترقی پذیر ممالک سب سے کم ذمہ دار ہیں، ایسا ہی معاملہ پاکستان کا ہے، جہاں سیلاب نے تقریبا 1,700 جانیں لے لی ہیں، 20 لاکھ گھر تباہ یا نقصان پہنچایا ہے اور ملک کا ایک تہائی حصہ گندے، ٹھہرے ہوئے پانی میں ڈوبا ہوا ہے، جنرل سیکرٹری یو این نے عالمی برادری سے مطالبہ کیا کہ وہ پاکستان کے سیلاب متاثرین کی بحالی کے لیے انسانی امداد میں اضافہ کرے۔