فلپائن میں شدید بارشوں کے باعث آنے والے سیلاب اور لینڈ سلائیڈنگ سے جان کی بازی ہارنے والوں کی تعداد 132 ہوگئی۔
نیشنل سینٹر فار ڈیزاسٹر اینڈ رسک ریڈکشن اینڈ منیجمنٹ کی جانب سے دیے گئے بیان میں بتایا گیا ہے کہ تقریباً 25 لاکھ افراد نالگے ٹراپیکل طوفان سے متاثر ہوئے اور 8 لاکھ 66 لوگ اپنا گھر بار چھوڑنے پر مجبور ہوئے۔
بیان میں کہا گیا ہے کہ ان آفات میں جن میں کم از کم 132 افراد جان کی بازی ہار گئے، 100 سے زائد افراد زخمی اور 33 افراد تاحال لاپتہ ہیں۔
فلپائن کے صدر مارکوس جونیئر نے شہر ماگوئینداناؤ کا فضا سے سروے کیا جہاں اس آفت کی وجہ سے سب سے زیادہ جانی نقصان ہوا۔
نا مساعد موسمی حالات کے باعث منیلا کے بین الاقوامی ہوائی اڈے سے ایک سو سے زائد پروازوں کو منسوخ کر دیا گیا ہے۔
