شمالی شام اور عراق میں موجود دہشتگردوں کی پناہ گاہوں کو تباہ کرنے کےلیے پنجہ کلید فضائی آپریشن شروع کر دیا گیا۔
امور دفاع کے مطابق، شمالی عراق و شام میں یہ آپریشن گزشتہ شب شروع کیا گیا ہے جس کا مقصد پی کےکے اور اس جیسی دہشگرد تنظیموں کا صفایا کرنے سمیت شمالی عراق و شام میں آباد عوام کی سلامتی اور ترکیہ کی سرحدوں کی حفاظت کو ممکن بنانا ہے، یہ آپریشن اقوام متحدہ کی قرارداد اکیاون کے تحت شروع کیا گیا ہے ۔
اس سلسلے میں ترک امور دفاع نے بعض تصاویر اور ویڈیو مناظر بھی سوشل میڈیا پر جاری کیے ہیں۔
اس دوران متعلقہ آپریشن کے حوالے سے صدارتی ترجمان ابراہیم قالن ، انصاف و ترقی پارٹی کے ترجمان عمر چیلیک،وزیر انصاف بکر بوزداع اور وزیر محنت و سماجی تحفظ ودات بلگن نے بھی اس آپریشن کی حمایت کا اظہار کیا ہے۔