صدر رجب طیب ایردوان نے ملائیشیا کے وزیر اعظم کے طور پر تقرری کے موقع پر انور ابراہیم سے ٹیلی فون پر رابطہ قائم کرتے ہوئے مبارکباد پیش کی ہے۔
ایوان صدر کے ڈائریکٹوریٹ آف کمیونیکیشن کی طرف سے جاری کردہ بیان کے مطابق، صدر ایردوان نے انور ابراہیم کو ان کی قیادت میں اتحاد کی انتخابی کامیابی اور وزیر اعظم کے طور پر ان کی تقرری پر مبارکباد دی۔
صدر ایردوان نے اس یقین کا اظہار کیا کہ ترکی اور ملائیشیا کے درمیان قریبی تعاون باہمی اعتماد کی بنیاد پر نئے دور میں مزید مضبوط ہوگا۔