لاہور: ورلڈ کپ سے ناکام کے بعد قومی ٹیم کے سابق کپتان بابر اعظم کی فلسطین کے حق میں پوسٹ سوشل میڈیا پر وائرل ہو گئی، وکٹ کیپر بیٹر محمد رضوان نے بھی فلسطینیوں سے یکجہتی کے لیے بابراعظم جیسی پوسٹ شیئرکردی۔
بابر اعظم نے سماجی رابطے کی ویب سائٹ پر ایک ٹوئٹ کی ہے، جس میں ایک بچی ملبے پر بیٹھی ہے اور اس کے ہاتھ میں فلسطین کا جھنڈا جبکہ گود میں کھلونا ہے، ساتھ میں ایک شعر بھی تحریر کیا ہے۔
اے خاصہ خاصان رسل وقت دعا ہے
امت پہ تیری آ کے عجب وقت پڑا ہے#Gaza pic.twitter.com/nqwMAib7ww— Babar Azam (@babarazam258) November 17, 2023
کچھ گھنٹوں بعد ہی محمد رضوان نے بھی بابر اعظم جیسی پوسٹ کی ہے، جس پر صارفین نے دونوں کھلاڑیوں پر خوب تنقید کی ہے کہ ورلڈ کپ میں اپنی شرٹس سے پیپسی اور کوک کا لوگوں کیوں نہیں ہٹایا؟
اے خاصہ خاصان رسل وقت دعا ہے
امت پہ تیری آ کے عجب وقت پڑا ہے#Gaza pic.twitter.com/yRCkrSK97p— Muhammad Rizwan (@IamRizwanPK) November 17, 2023
ایک اور صارف نے کہا ہے کہ ورلڈ کپ کے دوران ہی سب پلیرز کو فلسطین کے مسلمانوں کے لیے آواز اٹھانا چاہیے تھی تاکہ پوری دنیا میں میسج جاتا،اب گھر میں ویلے پڑے ہو تو فلسطین کے مسلمانوں کی یاد آئی۔
خیال رہے کہ ورلڈکپ میں ناقص کارکردگی کے بعد بابر اعظم نے دو روز قبل لاہور میں چیئرمین پی سی بی ذکا اشرف سے ملاقات کے بعد قومی ٹیم کی کپتان سے استعفیٰ دے دیا تھا، بابر اعظم نے ٹی ٹوئنٹی، ٹیسٹ اور ون ڈے کی کپتانی چھوڑنے کا اعلان کرتے ہوئے سوشل میڈیا پر بتایا کہ بطور کھلاڑی پاکستان کے لیے کھیلتا رہوں گا۔