اسلام آباد: سابق وزیر خارجہ اور سابق اسپیکر قومی اسمبلی گوہر ایوب طویل علالت کے بعد انتقال کر گئے۔
خبر رساں اداروں کے مطابق پی ٹی آئی کے مرکزی سیکرٹری جنرل عمر ایوب خان کے والد اور سابق وزیر خارجہ گوہر ایوب طویل عرصہ علیل رہنے کے بعد جہان فانی سے کوچ کر گئے۔
گوہر ایوب علالت کی وجہ سے وفاقی دارالحکومت کے ایک نجی اسپتال میں زیر علاج تھے۔ ان کی نماز جنازہ کل ہفتے کے روز دوپہر میں ہری پور میں ان کے آبائی گاؤں میں ادا کی جائے گی۔