راولپنڈی: شمالی وزیرستان میں سیکورٹی فورسز کے قافلے پر حملے میں 2 اہل کار شہید ہو گئے۔
پاک فوج کے شعبہ تعلقات عامہ (آئی ایس پی آر)کے مطابق شمالی وزیرستان کے جنرل علاقے رزمک میں سیکورٹی فورسز کے قافلے پر دیسی ساختہ بم سے حملہ کیا گیا۔ آئی ای ڈی کے دھماکے میں 2سپاہی لانس نائیک احسان بادشاہ اور لانس نائیک ساجد حسین شہید ہو گئے۔
ترجمان پاک فوج کے مطابق علاقے میں موجود کسی بھی دہشت گرد کے خاتمے کے لیے سینی ٹائزیشن آپریشن کیا جا رہا ہے جب کہ پاکستان کی سیکورٹی فورسز دہشت گردی کی لعنت کو ختم کرنے کے لیے پرعزم ہیں۔
