غزہ: اسرائیل اور حماس کے درمیان ہونے والی جنگ بندی کے دوران اسرائیلی قید سے رہا ہونے والے 30فلسطینیوں میں 8خواتین اور 22 بچے شامل ہیں، حماس نے بھی مزید 7قیدیوں کو رہا کیا ہے جس میں 2 خواتین اور باقی عام شہری ہیں۔
میڈیا رپورٹس کے مطابق اسرائیلی قید سے رہا ہونے والے 30فلسطینیوں کو مزید رہا کردیا گیا ہے جبکہ
حماس نے ثالثوں کو اسرائیلی فوجیوں کی رہائی سے متعلق اپنی رضامندی اور اسرائیلی فوجیوں کی رہائی کے بدلے اپنے شرائط سے بھی آگاہ کردیا ہے۔
خیال رہے کہ اسرائیل اور حماس کے درمیان جنگ بندی میں مزید ایک روز کی توسیع کر دی گئی ہے، سعودی عرب نے کہا ہے کہ قطر اور مصر کی کوششوں سے غزہ کی پٹی میں جنگ بندی میں توسیع کا امکان ہے،چین نے بھی غزہ میں جامع اور پائیدار جنگ بندی کا مطالبہ کیا ہے۔
