اسلام آباد: سابق وزیراعظم ذوالفقار علی بھٹو کی پھانسی کے معاملے پر صدارتی ریفرنس کو سماعت کے لیے مقرر کرلیا گیا ہے۔
نجی ٹی وی کے مطابق سپریم کورٹ آف پاکستان کا 9 رکنی لارجر بینچ ذوالفقار علی بھٹو کی پھانسی کے معاملے پر صدارتی ریفرنس کی سماعت 12 دسمبر منگل کے روز کرے گا۔ بینچ کی سربراہی چیف جسٹس آف پاکستان جسٹس قاضی فائز عیسیٰ کریں گے۔
چیف جسٹس کے علاوہ سپریم کورٹ کے جسٹس سردار طارق مسعود، جسٹس منصور علی شاہ، جسٹس یحییٰ، آفریدی، جسٹس حسن اظہر رضوی اور جسٹس مسرت ہلالی 9 رکنی لارجر بینچ کا حصہ ہیں۔ ان کے علاوہ جسٹس امین الدین، جسٹس جمال مندوخیل اور جسٹس محمد علی مظہر بھی اس بینچ میں شامل ہیں۔
